“Каралева скрыпкі”: Маймуна, Сімфанічны аркестр Нацыянальнай дзяржаўнай тэлерадыёкампаніі Рэспублікі Беларусь, дырыжор – Віктар Бабарыкін

Новая доўгачаканая праграма “КАРАЛЕВА СКРЫПКІ” ў выкананні Маймуны і Сімфанічнага аркестра Нацыянальнай дзяржаўнай тэлерадыёкампаніі Рэспублікі Беларусь пад кіраўніцтвам Віктара Бабарыкіна прагучыць у Беларускай дзяржаўнай філармоніі 12 лістапада.

Маймуна вядома сваёй ігрой у стылі Classical Crossover, які спалучае ў сабе новае сучаснае гучанне класічных твораў, музыкі з кінастужак і сучасных хітоў.

Новая канцэртная праграма не пакіне абыякавымі як тых, хто любіць аркестравую музыку, гэтак і тых, хто яшчэ толькі пачынае пагружацца ў свет класічнай музыкі.

Запрашаем правесці гэты вечар разам з намі ў Вялікай канцэртнай зале Белдзяржфілармоніі.

Дырыжор і музычны кіраўнік праекта – заслужаны артыст Рэспублікі Беларусь Віктар Бабарыкін.