29 студзеня на сцэне Малой залы Беларускай дзяржаўнай філармоніі адбудзецца монаспектакль “Мой Маленькі прынц” паводле А. дэ Сент-Экзюперы, прысвечаны 30-годдзю тэатральна-канцэртнай дзейнасці Беларускага паэтычнага тэатра аднаго актёра “Зніч”. Пераклад – Ніна Мацяш, аўтар інсцэніроўкі і рэжысёр-пастаноўшчык – Галіна Дзягілева, выканаўца – Раіса Астрадзінава, сцэнограф – Вольга Грыцаева, голас ад аўтара – Вячаслаў Шакалідо, у спектаклі гучыць музыка – Яўгена і Радзівона Глебава.
«Зоркім можа быць адно толькі сэрца... » Так сказаў маленькі хлопчык, які прыляцеў на Зямлю з асцяроіда, каб знайсці сабе сябра. Але апынуўся ён у пустыні. Мудрая казка пісьменніка-лётчыка Антуана дэ Сэнт-Экзюперы актуальная і на сённяшні дзень. Спектакль, які створаны па яе матывам, – гэта спектакль-споведзь і адначасова прыпавесць, але не павучальная, а жывая, эмацыянальная, якая з лёгкасцю дакранаецца да самых патаемных струнаў чалавечых сэрцаў. Спектакль пабудаваны як сваеасаблівы маналог Кансуэла – жонкі Сэнт-Экзюперы. І ў ім яна імкнецца апынуцца ў той самай краіне дзяцінства, у якой заўсёды жыў яе муж і ў якой зараз жыве іх ненароджаны сын… Маленькі прынц.
