Шаноўныя гледачы! Уваход на канцэрт будзе ажыццяўляцца па запрашальных квітках.
Вярнуць грашовыя сродкі за набытыя раней білеты і атрымаць наўзамен запрашальны квіток можна ў касе Беларускай дзяржаўнай філармоніі.
“УСХВАЛЕНА ПЕСНЯЙ СЛАВУТАЙ...”
Ансамбль народнай песні і танца “Варонежскія дзяўчаты”
Мастацкі кіраўнік – заслужаная артыстка Расійскай Федэрацыі
Ганна Каўрыгіна
Варонежскі акадэмічны сімфанічны аркестр
Галоўны дырыжор – народны артыст Расійскай Федэрацыі
Уладзімір Вярбіцкі
Салістка – заслужаная артыстка Варонежскай вобласці Вольга Чыркова
Дырыжор – заслужаны дзеяч мастацтваў Варонежскай вобласці
Ігар Вярбіцкі
Вядоўца – заслужаны працаўнік культуры Расійскай Федэрацыі
Валянціна Галавіна
***
Артысты Варонежскай філармоніі 11 чэрвеня выступяць у Вялікай канцэртнай зале Беларускай дзяржаўнай філармоніі ў рамках правядзення Дзён культуры Варонежскай вобласці ў Рэспубліцы Беларусь. Заслужаная артыстка Варонежскай вобласці Вольга Чыркова, ансамбль народнай песні і танца “Варонежскія дзяўчаты”, Варонежскі акадэмічны сімфанічны аркестр (дырыжор – заслужаны дзеяч мастацтваў Варонежскай вобласці Ігар Вярбіцкі) прэзентуюць праграму, што расчыняе самабытнасць песеннай традыцыі Чарназем’я праз прызму сімфанічнага жанру. Творчыя калектывы Варонежскай філармоніі з’ядналіся для таго, каб пазнаёміць слухачоў з самабытнай культурай Расіі, музычнымі шэдэўрамі і кампазітарамі Варонежскага краю.
У праграме “Усхвалена песняй славутай...” прэззентаваны творы вядомых варонежскіх паэтаў і кампазітараў: “Хутарок” на вершы Аляксея Кальцова, фрагменты аркестравых сачыненняў Вячаслава Аўчыннікава і Генадзя Ставоніна, вакальныя нумары з народнай містэрыі “Сонцаварот” Уладзіміра Бяляева, песенныя кампазіцыі Юрыя Раманава і Мікалая Мачалава. Гучанне рускіх і беларускіх народных песень дадасць канцэрту непаўторны каларыт.
Варонежскі акадэмічны сімфанічны аркестр – адзін з найстарых сімфанічных калектываў Расіі, створаны ў 1925 годзе. Аркестр дае больш за 70 канцэртаў у год, выконваючы разнастайныя праграмы з выбітнымі айчыннымі і замежнымі артыстамі, бярэ ўдзел у міжнародных фестывалях і форумах у Расіі і за мяжой. З 1972 года галоўным дырыжорам аркестра з’яўляецца народны артыст Расіі Уладзімір Вярбіцкі.
Ансамбль народнай песні і танца “Варонежскія дзяўчаты” створаны ў красавіку 1966 года. Аснову рэпертуару калектыву складае фальклор Цэнтральнага Чарназем’я, а таксама папулярныя рускія народныя і аўтарскія кампазіцыі. За сваю багатую гісторыю калектыў пабываў на гастролях у больш чым 40 краінах свету і выступаў на галоўных айчынных канцэртных пляцоўках.
Вольга Чыркова – заслужаная артыстка Варонежскай вобласці, лаўрэат усерасійскіх конкурсаў, уладальнік Гран-Пры імя Лідзіі Русланавай конкурсу “Галасы Расіі”, адна з самых яркіх сучасных маладых выканаўцаў народнай песні. Голас Вольгі Чырковай – глыбокае сапрана шляхетнага тэмбру, што дазваляе спявачцы ўлучаць у рэпертуар самыя розныя па стылі і жанрах творы: ад класічнага рэпертуару да сачыненняў сучасных аўтараў.
