“ТРАДЫЦЫІ НА ДАЛОНЯХ СУЧАСНАСЦІ”

Нацыянальны акадэмічны народны хор Рэспублікі Беларусь імя Г.І.Цітовіча

Мастацкі кіраўнік – Аляксандр Сухараў

***

8 снежня 2025 года ў Вялікай зале Белдзяржфілармоніі выступіць калектыў з больш чым 70-гадовай гісторыяй – Нацыянальны акадэмічны народны хор Рэспублікі Беларусь імя Г.І.Цітовіча.

Праграма “Традыцыі на далонях сучаснасці” адлюстроўвае беражлівыя адносіны сучаснікаў да нацыянальных традыцый, яна падорыць гледачам незабыўную сустрэчу з народнай музычнай творчасцю.

У канцэрце прагучаць беларускія народныя песні ў апрацоўцы Г.І.Цітовіча, М.П.Дрынеўскага, у тым ліку a capella, хіты і вакальна-харэаграфічныя кампазіцыі, якія палюбіліся гледачамі. Таксама хор будзе здзіўляць прэм’ерамі гэтага сезона і аўтарскімі кампазіцыямі мастацкага кіраўніка А.В.Сухарава.

Калектыў, які па праве носіць званне “нацыянальнага набытку Беларусі”, не пакіне гледачоў абыякавымі, раскрываючы сапраўдную прыгажосць беларускай народнай песні, захоўваючы традыцыі на далонях сучаснасці.