І аддзяленне
А.Глазуноў – Квартэт Сі-бемоль мажор, ор.109 прэм’ера ў Беларусі
Э.Баца – Андантэ і Скерца
ІІ аддзяленне
М.Карабкоў – Прэлюдыя, харал і фуга
В.Ільюшонак – “Sax quartet”
В.Цімафееў – “When hope is born”
Г.Лінч – “Pale Dancer”
П.Ітуралдэ – “Memorias”
“НА СТЫКУ ЧАСОЎ”
Квартэт саксафаністаў “Saxas”:
Мікіта Пятроў саксафон сапрана
Павел Казак саксафон альт
Віктар Цімафееў саксафон тэнар
Дзмітрый Шувалаў саксафон барытон
Партыя раяля – Ганна Брылёва
***
Квартэт саксафаністаў “Saxas” прэзентуе новую канцэртную праграму “На стыку часоў”, якая па складзенай для калектыву традыцыі будзе поўная музычных прэм’ер.
Першае аддзяленне адкрыецца прэм’ерай аднаго з самых вядомых і манументальных твораў для саксафонавага ансамбля – квартэтам Сі-бемоль мажор, op.109 Аляксандра Глазунова, у якім злучаюцца непаўторнае гучанне чатырох саксафонаў і традыцыі рускай кампазітарскай школы. У завяршэнне першага аддзялення прагучыць лёгкае, нібы імпрэсіянісцкі краявід Андантэ і Скерца французскага кампазітара Эжэна Баца.
У другім аддзяленні вашай увазе будзе прэзентавана саксафонавая музыка сучасных беларускіх кампазітараў: Уладзіміра Ільюшонка, Максіма Карабкова і Віктара Цімафеева. Не пакіне абыякавымі чарговая прэм’ера гэтага вечара – музыка брытанскага кампазітара Грэма Лінча “Pale dancer”, натхнёная карцінай Эдварда Мунка. Завяршыць канцэрт сачыненне “Memorias” іспанскага саксафаніста Пэдра Ітуралдэ, якое адпраўляе слухачоў у падарожжа па памятных маршрутах і дарагіх для кампазітара гарадах.
