Цыкл канцэртаў “ДЫЯЛОГІ”
канцэрт першы
“ГЕОРГ ПЕЛЕЦЫС – УЛАДЗІМІР МАРТЫНАЎ. ПЕРАПІСКА”
Фартэпіянны дуэт Наталля Громава і Валерый Баравікоў
***
Дадзены твор у даслоўным сэнсе слова створаны на грунце перапіскі двух кампазітараў, блізкіх сяброў, былых аднакурснікаў, мастакоў-аднадумцаў Уладзіміра Мартынава і Георга Пелецыса. Іх музычная перапіска пачалася з вербальнага пісьма Пелецыса, да якога ён прыклаў маленькі нотны фрагмент. Мартынаў у адказ даслаў свой нотны тэкст, створаны ў адказ на прапанаваную тэму. З кожным пісьмом тэма стала абрастаць новымі варыянтамі. У выніку далучэння новых частак “Перапіска”, створаная двума кампазітарамі, пачынае існаваць як адзін твор, цыкл-дыялог для двух фартэпіяна з 13 частак, што ідуць адна за адной нон-стоп. У гэтай музыцы адлюстраваны і з’яднаны розныя стылі, што склаліся ў музычным мастацтве мінулых эпох і адлюстроўваюць стыль фартэпіянных твораў Ф.Шуберта, Ф.Мендэльсона, Р.Шумана, павольных частак санат Л. ван Бетховена, эстраднай і рок-музыкі.
